usapang bomalabs

Biyernes santo, imbes na nagpapahinga ako ay nandito pa rin ako sa harap ng computer nagtatrabaho! Grrr!!! ang labo di ba? Habang nag-eenjoy ang ilan sa outing at nagpapahinga naman ang karamihan, nandito ako nakakulong sa kwarto at nagpapaka devoted sa trabaho! Naisip ko habang kumakain ng manok galling sa jolibee na hindi lang naman pala ako ang malabo, may mas malabo pa saken.

Eto ung mga bagay-bagay na malabo.

1. Baket chicken joy ang tawag sa manok sa jolibee? Masaya ba sila nung pinirito sila?

2. Baket ang pintuan ng 711 may padlock pa? E di ba, 24 hrs. naman sila bukas, pati holiday never sila nagsara?

3. Di ba lahat ng characters/mascot sa mga fastfood chain ay nagre-represent ng pagkain na binebenta sa fastfood na yon? Tulad na lang nila Hetty Spaghetti o kaya ni Hamburglar. E si Grimace anong pagkain siya? May ube na ba sa Mcdo?

4. Baket Fire Exit ang tawag sa emergency exit pag may sunog? Labasan ba un ng apoy?

5. Minsan inutusan ako ng lola ko,
Lola: tin, bumili ka nga ng colgate, ung hapee!
haha, ang labo!

6. minsan may nakasabay ako na bata sa sari-sari store,
Bata: Manang pagbilan nga po ng pisong yellow pad, ung green.
Labo mo kid!

7. ano ba talaga ang tamang tawag sa banyo sa labas? Comfort room, powder room o rest room?

Minsan hindi lang bagay ang malabo, marami din akong kilala na mas malabo pa sa lahat ng klase ng blur!

1. Ung mga tao ng nagsasabing hindi lang pera ang magpapaligaya sa tao, may solusyon ako dyan. Bigay nyo na lang saken ung pera (tutal wala naming epekto yan senyo!), para masaya ako, masaya pa rin kayo, masaya tayong lahat! Aminin nyo na! mas masaya tayo pag may pera!

2. Ung mga taong mahilig magsabi ng OO NGA tsaka AKO DIN NGA E, eto ung mga taong sang-ayon sa lahat ng sabihin mo. Pag kausap ka niya akala mo soulmates kayo dahil lahat ng bagay pareho kayo hindi lang ung tipong we have something in common ang pagkakapareho niyo eto ung tipong daig nyo pa ang kambal sa sobrang identical ng likes and opinions niyo! Tapos pag nakausap niya ung taong kinaiinisan mo magugulat ka na lang soulmates din sila! Pare, ang dami mong soul!

3. Nung nag-aral pa ako,
Nanay ko: wag ka muna mag-aasawa tapusin mo pag-aaral mo, kung gusto mo pagkagraduate mo kinabukasan mag-asawa ka na.

Nung graduate na ako at naghahanap pa palang ng trabaho,
Nanay ko: Maghanap ka muna ng trabaho bago ka mag-asawa, mahirap ang buhay ngayon.

Nung may trabaho na ako,
Nanay ko: mag-ipon ka muna, bata ka pa, tsaka ka na mag-asawa. Yang pag-aasawa madali lang yan kaya wag ka magmadali.

After 5 years,
Nanay ko: mag-asawa ka na! mahirap tumandang dalaga!

4. Ung mga taong matagal mo nang di nakikita tapos pagnakasalubong mo sa daan magtatanong ng:San ka pupunta?, na as if naman sasama sila.

5. Ung mga taong mahilig magtanong ng: gising ka na?, pag gusto nilang malaman kung hindi ka na natutulog. Halerrr! E di pag hindi sumagot e di tulog! Meron bang tulog na sasagot ng hinde, tulog pa ako.

6. ung mga tao na ang labo kausap. kunware, may gimik ang tropa tapos hinidi daw sya sasama kase hindi ka kasama, un pala ang totoo ay sasama siya o kaya kabaligtaran. ang solusyon dyan, pagsinabi nyang OO, HINDI ang nasa isip niya kaya lahat ng sasabihin niya i-interpret mo ng baligtad!

7. kadalasan ang mga babae mahilig mag-yaan kung saan-saan. example, Tara C.R. tayo (ano un CR transfooorm!? FYI hindi tayo CR, tao tayo! (Dapat dyan, tara mag-CR tayo) o kaya naman ay: LRT na lang tayo, ang traffic e (again and again tao tayo! hindi tayo LRT o kung ano ano pa man!).

8. Eto pa, ung mga mahilig mag rason ng: Sorry, late ako, ang hirap kase sumakay e. Aber, kelan pa naging mahirap sumakay? iaangat mo lang ang paa mo tapos uuko ka, tatapat sa bakanteng upuan at uupo! whala! nakasay ka na! o, may mahirap ba don? baka ang ibig mong sabihin ay, late ako kase walang masakyan?

9. ung mga nagsasabi ng, wag mo nang hanapin ang wala! E kaya nga hinahanap kase wala. Alangan naman na hanapin ko ang meron. Ano ako, adik!

Ooops , bato-bato sa langit ang tamaan wag magagalit! Ang mag-react guilty! At ang mapikon loser! Hahaha!